एक बर्ष भित्र जनतालाई संविधान दिन्छौं

वर्तमान सरकारका नवनियुक्त उद्योग मन्त्री कर्णबहादुर थापाले राजनितिक दलहरु विच सहमति र सहकार्य अगाडी बढिसकेको अवस्था भएकोले झिना मसिना कुराहरुमा अब विवाद नगरी एक बर्ष भित्र जनतालाई संविधान दिने कुराको ठोकुवा गर्नुभएकोछ । उदयपुरको सदरमुकाम गाईघाटमा आज शुक्रबार देखी आयोजना गरिएको दोस्रो पूर्वाञ्चल क्षेत्रीय महोत्सव २०७० त्रियुगाको उद्घाटन समारोहलाई सम्बोधन गर्दै मन्त्री थापाले उक्त प्रतिबद्धता ब्यक्त गर्नु भएको हो । विगतका राजनितिक उतार चढाव बाट धेरै कुराहरु सिकिसकेकोले राजनितिक दलका नेताहरु अब सहमतिको बाटोमा आईसकेको उहाँले बताउनुभयो । उहाँले अस्थिर राजनीतिका कारण देशको उन्नती हुन नसकेको बताउनुभयो । राजनीतिक अस्थिरताका कारण विकास, निर्माणको कार्य योजनाहरु सहि ढंगले बन्न नसक्नुका साथै बनेकाहरु प्नि कार्यन्वयन हुन नसकेको बताउनुभयो ।